WVP Fond Menaxhment

VFP FOND MENAXHMENT SHA Shkup është Shoqëri për menaxhimin e fondeve investuese të hapura dhe të mbyllura, e themeluar më 13.08.2014 dhe ka filluar punën pas marrjes së lejes nga Komisioni për letra me vlerë i Republikës së Maqedonisë së Veriut, me Vendim nr. UP 1 08-67 të datës 19.09.2014. Regjistrimi në Regjistrin Qendror të Republikës së Maqedonisë së Veriut është kryer më 25.09.2014. Shoqëria është themeluar për një kohë të pacaktuar.

Kapitali fillestar i Shoqërisë është 525.000,00 euro, i ndarë në 525.000 aksione të zakonshme me vlerë nominale prej 1 euro për aksion, në kundërvlerë denare sipas kursit mesatar të Bankës Popullore të RMV.

Aksionarët e Shoqërisë janë: VFP shoqëri ndërmjetësuese e sigurimeve SHA Shkup me 65% pjesëmarrje në kapitalin total pronësor, Petar Andreevski me 17% pjesëmarrje, Arton Lena me 8% pjesëmarrje, Rupert Strobl me 4% pjesëmarrje, Suzana Gjukiq me 3% pjesëmarrje dhe Bllazhe Petreski me 3% pjesëmarrje.

Shoqëria ka sistem njëshkallësh të menaxhimit – Bord Drejtorësh. Mandati i anëtarëve të Bordit të Shoqërisë, sipas statutit, zgjat 3 vjet nga dita e emërimit. Përbërja aktuale e Bordit të Drejtorëve është:

• Petar Andreevski – Drejtor ekzekutiv kryesor;

• Andrijana Popovska – Drejtor ekzekutiv;

• Rupert Strobl – Kryetar i Bordit të Drejtorëve / Anëtar joekzekutiv i Bordit;

• Bllazhe Petreski – Anëtar joekzekutiv i Bordit;

• Stefan Willi Seibl – Anëtar i pavarur dhe joekzekutiv i Bordit.

Punët e menaxhimit të fondeve investuese që kryen Shoqëria janë:

1. Menaxhimi i pasurisë së fondit investues;

2. Reklamimi i fondeve investuese dhe shitja e kuotave në fondet investuese të hapura, përkatësisht aksioneve në fondet investuese të mbyllura;

3. Punët administrative që kanë të bëjnë me:

• mbajtjen e librave afariste dhe llogarive dhe përgatitjen e raporteve financiare,

• krijimin dhe mirëmbajtjen e marrëdhënieve me investitorët,

• përcaktimin e vlerës së pasurisë së fondit investues dhe llogaritjen e çmimit të kuotës,

• përshtatjen e punës së Shoqërisë me ligjet dhe aktet e tjera,

• publikimet dhe njoftimet për aksionarët dhe poseduesit e kuotave,

• shpërndarjen e fitimit të fondit investues,

• lëshimin dhe blerjen e kuotave në fondet investuese të hapura,

• mbajtjen e regjistrit të poseduesve të kuotave, përkatësisht aksionarëve.

Shoqëria ka leje të kryejë menaxhim të mjeteve për llogari të klientit individual – pronar portofoli, si dhe të kryejë shërbime këshillimi investues për klientët, sipas vendimit nr. 01 UP 08-40 të datës 28.04.2017 të lëshuar nga Komisioni për Letrat me Vlerë i RMV.

Fondet nën menaxhimin e VFP Fond Menaxhment SHA Shkup menaxhohen nga ekspertë me përvojë nga fusha e tregjeve të kapitalit me procese të vendosura analitike, të cilat mundësojnë kujdes ditor, për të ofruar zgjidhje cilësore në çdo moment. Kjo u ofron klientëve mundësi të shumta për zgjedhjen e investimit që u përshtatet më së miri nevojave, pritshmërive dhe profilit të tyre investues.

Menaxhimi i rreziqeve përfshin identifikimin e plotë dhe në kohë të rreziqeve, të cilave puna e Shoqërisë i është ose mund t’i ekspozohet, dhe analizën e shkaqeve të tyre.

Lloji i rrezikut – Shkalla e ndikimit

• Rreziku operativ – mesatar

• Rreziku i pamundësisë së pagesës – i ulët

• Rreziqe investuese:

  • Rreziku i tregut – i ulët

  • Rreziku valutor – i ulët

  • Rreziku kreditor – i ulët

  • Rreziku i interesit – i ulët

  • Rreziku i likuiditetit – i ulët

• Rreziku strategjik – i ulët

• Rreziku i reputacionit – i ulët

Shoqëria është aksionare në shoqëri për menaxhimin e fondeve investuese në Republikën e Shqipërisë, Republikën e Serbisë, Republikën e Bosnjë dhe Hercegovinës, Republikën e Malit të Zi dhe Republikën e Bullgarisë. Pjesëmarrja në kapitalin bazë të shoqërive është: në Shqipëri – 51%, në Serbi – 30%, në Bosnjë dhe Hercegovinë – 25%, në Mal të Zi – 9,5% dhe në Bullgari – 37%.

Që nga themelimi, Shoqëria ka fituar besimin e gjithsej 10 institucioneve financiare, ka krijuar produkt të përbashkët me 3 kompani shumë të suksesshme sigurimi, prej të cilave 2 janë austriake dhe 1 është kompani rajonale sigurimi, është bërë lider i pakonkurrueshëm për mjete nën menaxhim nga produktet Unit-linked në RMV. Brenda disa viteve, Shoqëria ka arritur të renditet ndër 3 Shoqëritë më të mëdha për nga mjetet nën menaxhim në Maqedoni dhe ka mbi 201 milionë euro nën menaxhim deri më 31.07.2025.

Shoqëria beson dhe punon vazhdimisht me përkushtim për të vazhduar trendin e deritanishëm dhe për të përmbushur pritshmëritë e klientëve.

Oficer për mbrojtjen e të dhënave personale:

Marko Trajanovski
marko.trajanovski@wvpfondovi.mk
+389 (2) 32 800 82